Поради силниот ветер, брзина од 40 метри во секунда, висината на брановите во Црното Море се зголеми на 6-8 метри, па танкерите со нафта ги напуштија црноморските пристаништа на Русија.

Испораките беа прекинати на сите извозни терминали – во пристаништата Новоросијск, Туапсе и Таман. Самите танкери го напуштија брегот. Прекинато е товарењето на нафта на поморскиот терминал КРК, „цистерните се пренасочени во областа т.н. “чекална”. Резервоарите на компанијата се практично полни. „Приемот на нафтата се врши во намален режим“, соопштија од Конзорциумот за нафтоводот Касписки, објави Политика.

Неколку танкери со нафтени деривати на компанијата „Транснефт“ се закотвени во Новоросијск, во област целосно заштитена од невремето. Во пристаништата Таман и Туапсе воопшто нема танкери, пренесува Спутник. Во околината на Новоросијск, повеќето пловни објекти излегоа надвор од територијалните води на Русија. Повеќе од триесет танкери се натрупани во областа.