Денеска се одиграа полуфиналните натпревари во фудбалскиот Куп на Македонија, Силекс со 1:0 го совлада Пелистер, а екипата на Македонија ЃП после пенал серијата ја елиминираше Струга Трим Лум.

Второлигашот Силекс кој е на добар пат да се врати во елитата следната сезона, триумфираше со голот на Антонио Каланоски во 36 минута.

На дуелот Струга Трим Лум – Македонија ЃП немаше голови во регуларните 90 минут, по што победникот беше одлучен по ударите од белата точка. Во пенал серијата „лавовите“ од Ѓорче Петров славеа со 4:2.

За Силекс од Кратово, кој е бранител на титулата од минатата сезона, ова ќе биде петто куп финале. Трипати беше шампион во ова натпреварување во 1994, 1997 и 2021 година.

За Македонија ЃП ова ќе биде четврто куп финале, единствениот трофеј го има во 2006 година.