И натаму не е познато дали Новак Ѓоковиќ ќе настапи на грен слем турнирот „УС Опен“ кој ќе се одржи од 29 август до 11 септември 2022 година.

Сè уште нема никакви најави дали ќе бидат променети правилата за влез во САД за невакцинираните против ковид-19.

И покрај сите потешкотии, тениската аналитичарка Барбара Шет за „Еуроспорт“ изјави дека српскиот ас ќе игра уште многу години.

– Мислам дека сега тренира како да ќе игра на УС Опен. Ако ја има таа промена во последен момент, ќе биде таму, ако не, животот продолжува. Мислам дека Новак ќе игра уште многу години, барем така изгледа. Телото му е добро, нема многу повреди, ќе даде апсолутно сè за да влезе во историјата како човек со најмногу грен слем титули – вели Шет.

Таа смета дека доколку го служи здравјето, тоа ќе биде предност за Новак во таа позната трка за титулата најдобар играч на сите времиња.

– Новак не е толку далеку од целта. Потребна му е само уште една титула за да се израмни со Надал. Ако сега ги споредите Новак и Рафа, би рекол дека Новак може да игра уште најмалку две, три години, можеби и подолго. Што се однесува до Надал, се чини дека неговиот часовник отчукува, дека крајот е близу – се зборовите на Шет.

Се зголемуваат ли шансите на Ѓоковиќ да настапи на „УС Опен“?!