Шеста рунда, нема заразени во Премиер лигата
Беа тестирани 1.195 играчи, членови на стручните штабови и вработени во клубот, никој од нив не беше позитивен.
Официјално после шестата рунда на тестирања на коронавирус, нема нови случаи на заразени во Премиер лигата.
Нов круг на тестирања, шести откако играчите започнаа со тренинзи, се реализираше на 4 и 5 јуни.
Резултатите пристигнаа во саботата и Премиерлигата потврди дека нема нови случаи на заразени во најсилното англиско првенство.
Беа тестирани 1.195 играчи, членови на стручните штабови и вработени во клубот, никој од нив не беше позитивен.
Тестирања на коронавирус во Премиер лигата –
1. рунда (17-18 мај) 748 тестирани, шест позитивни од три клубови
2. рунда (19-22 мај) 996 тестирани, двајца позитивни од два клубови
3. рунда (25-26 мај) 1008 тестирани, четири позитивни од два клубови
4. рунда (28-29 мај) 1130 тестирани, без позитивни случаи
5. рунда (1-2 јуни) 1197 тестирани, еден позитивен
Според најавите оваа сезона во Премиер лигата продолжува на 17 јуни, кога ќе се играат два претходно одложени натпревари. Мечевите од 29 коло ќе бидат на програмата од 19 до 21 јуни.