Млад брачен пар од Англија кој бил во посета на Канада, пред десетина дена ненамерно ја минал границата и влегол на територијата на САД. Тие во обид да избегнат животно на патот, пристапиле на територијат на Америка, по што биле забележани од властите и уапсени. Оттогаш се во притвор во центарот Беркс во сојузната американска држава Пенсилванија, открија нивните адвокати.

Притворените, кои имаат мало дете, се пожалија на нехуманите услови во затворот, а според пишувањата на медиумите, бебето имало промени на кожата и можна очна инфекција поради просториите во кои престојува.

Бебето било оставено без облека и неколку часа било изложено на ниските температури во притворот, бидејќи целата нивна облека, вклучувајќи ја и онаа за бебето била однесена на перење.

Дејвид Конорс (30) и Елин Конорс (24) рекле дека не им било дозволено да ја контактираат амбасадата.

– Ќе имаме трауми до крајот на животот поради ова што ни го направија американските власти – напипшала Конорс.

Нивната адвокатка вели дека уапсените Англичани воопшто не знаеле дека ја минале границата и дека само се обидувале да се вратат во својот хотел.

Притворот Берк веќе подолго време е критикуван како „затвор за бебиња“ кој би требало да биде затворен, а создаден е за притворување на родители и деца кои во САД дошле без документи. Формално познат како Berks County Residential Center, притворот е отворен на 120 километри северозападно од Филаделфија во 2001 година.