Сега е официјално: Фати потпиша нов договор со Барселона, откупната клаузула изнесува милијарда евра
Младиот 18-годишен напаѓач на Барселона, Ансу Фати потпиша нов шестгодишен договор со каталонскиот тим.
Веднаш по завршувањето на натпреварот против Динамо Киев во Лигата на шампионите во кој Барселона славеше со 1:0, Фати во друштво на претседателот Жоан Лапорта стави потпис на новиот шестгодишен договор. Откупната клаузула за суперталентираниот фудбалер според новиот договор изнесува дури милијарда евра.
Фати стана вториот млад фудбалер на Барселона по Педри (18) кој потпиша нов договор и доби откупна клаузула од милијарда евра.
✨ @ANSUFATI tindrà una clàusula de 1.000 milions d’euros#DreamTeen
— FC Barcelona (@FCBarcelona_cat) October 20, 2021
Со овој потег Барселона продолжи да ја обезбедува иднината и да потпишува договори со најталентираните фудбалери.
Следен кој треба да добие нов договор е 17-годишниот Гави кој неодамна стана најмладиот дебитант во историјата на шпанската репрезентација.