Се стабилизира епидемијата со ковид-19 во земјата: Преполовен бројот на хоспитализирани, вакцините од Србија ќе дојдат со интервентен увоз

Речиси сите епидемиолошки параметри, според кои се евалуира состојбата со епидемијата, бележат тренд на намалување, односно зголемување во однос на бројката на оздравени случаи, соопшти вчера Министерството за здравство (МЗ).

Во извештајот на Институтот за јавно здравје (ИЈЗ) за периодот од 11 до 17 јануари, процентот на позитивни од тестирани изнесува 16 отсто, што споредено со средината на декември е намалување од 13,3 отсто.

Во истиот извештај од декември, бројот на новодијагностицирани случаи со ковид-19 во една недела изнесувал 4.585, а во извештајот на ИЈЗ за минатата недела таа бројка изнесува 2.397, што покажува намалување од 48 отсто. За истиот период бројот на смртни случаи на неделно ниво е речиси преполовен, а значително е зголемен бројот на оздравени пациенти.

И вчерашната ковид-статистика покажа тренд на стабилизирање на епидемијата. Од направени 1.906 тестирања во претходното деноноќие, беа регистрирани 356 нови случаи на коронавирусот, како оздравени се забележани 587 пациенти, додека починаа 15 лица. Меѓу починатите и 36-годишно лице од Тетово.

Прочитајте и...  Нова 10-та спектакуларна ерупација на Етна

Вкупната бројка на ковид дијагностицирани во нашата земја од почетокот на епидемијата изнесува 89.817, бројката на оздравени пациенти е 75.387, на починати е 2.754, а бројот на активни случаи изнесува 11.676. Од активните случаи, во Скопје се 6.767, во Куманово – 429, во Тетово – 463, во Охрид -.387, во Струмица – 360, во Кавадарци -.365, во Гостивар – 308, во Велес – 307. Во другите градови има помалку од 300.

Еден од клучните индикатори за смирување на епидемијата е бројот на хоспитализации на инфективните оддели во главниот град и болниците низ земјата. На инфективните оддели во земјава вкупно се лекуваат 610 пациенти со ковид-19, има околу 603 празни болнички кревети. На 22 декември во 2020 година во болниците низ земјава вкупно се лекуваале 1.145 пациенти.

Вчера, во ковид-центрите во болниците низ земјава беа хоспитализирани вкупно 330 пациенти позитивни и суспектни на коронавирусот, а во Скопје 280 лица.

Прочитајте и...  Шахпаска: Преку Законот за родова еднаквост ја зајакнуваме улогата на жените во секоја сфера на општественото живеење

По значителното намалување на бројот на хоспитализации, затворени се ковид-центрите на Клиниката за очни болести и Клиниката за уво, нос и грло, а клиниките се враќаат на својата редовна работа, посочуваат од МЗ.  

Од Министерството за здравство велат дека се целосно подготвени за процесот на вакцинација, а први ќе се вакцинираат здравствените работници. Министерот за здравство, Венко Филипче вчера информираше дека првите вакцини од „Фајзер” и од Србија ќе стигнат со интервентен увоз.

– Не постои законска пречка за прием на вакцините против ковид-19 во нашата земја. Првите дози на вакцината „Фајзер” која е договорена во директни преговори со производителот, како и 8.000 дози вакцини кои од Србија треба да пристигнат во нашата земја, ќе бидат со интервентен увоз. Измената на Законот за лекови е поради глобалната политика на „Фајзер” кои инсистираа апликант за регистрацијата на вакцината да биде нивното претставништво кое е со седиште во Холандија, одговорно за овој дел на Европа, изјави министерот за здравство Венко Филипче.

Прочитајте и...  Општина Бутел организираше едно поинакво одбележување на 8-ми Март

Тој посочува дека Србија е единствената земја во целиот регион во која има локално претставништво на „Фајзер” и тоа на некој начин им ги забрза работите.

– Но, и тоа не е пречка свесни дека е таква нашата законската регулатива, производителот „Фајзер“, се согласи првите количини вакцини кои ќе дојдат во нашата земја и преку директниот договор, но и преку помошта од Србија да дојдат со т.н интервентен увоз, за што има законска регулатива и за тоа не треба регистрација, вели Филипче, додавајќи дека во моментот се чека одобрување од компанијата „Фајзер” за интервентен увоз, за вакцините од Република Србија.

Што се однесува до вакцините кои во земјава треба да стигнат преку Ковакс механизмот, министерот посочува дека на 29 јануари ќе има состанок со претставниците од тој систем кога се очекува да добие информации кога и во кои количини вакцини ќе стигнат во нашата земја.

Поврзани вести

Брнабиќ: Фотографиите од убиствата не беа многу страшни, има и пострашни

Слободен печат

Растурена свадба во хотел во Тетово

Слободен печат

Австрија ја суспендираше вакцината Астра зенека

Слободен печат

Коневски очекува отчет од Мицковски пред делегатите

Слободен печат

Зошто жените губат во градоначалничката трка?

Весна Тодоровска

Шахпаска: Преку Законот за родова еднаквост ја зајакнуваме улогата на жените во секоја сфера на општественото живеење

Слободен печат

Остави Коментар