Се огласи Челси: Бараме разговор со Владата
Челниците на Челси побараа разговор со владата на Обединетото Кралство откако во денеска му беше му беа воведени санкции на Роман Абрамович и притоа му беше замрзнат целиот имот во земјата, со што беше запрен и процесот на продажба на клубот.
Поради санкциите, на Челси му е блокирана сметката, не смее да носи нови фудбалери, а единствено што може е да игра во Премиер лигата и во Лигата на шампионите.
Челси сака да ги продолжи разговорите со владата на Обединетото Кралство поради издадената специјална лиценца. Тоа ќе вклучува и корекција на лиценцата за да може клубот нормално да функционира
„Во основа на стоотстотната сопственост на Челси и поврзаните субјекти, Челси е под истиот режим на сакнции како и господинот Роман Абрамович. Владата сепак даде општа лиценца со која на Челси му се дозволува да продолжи со одредени активности“, пишува во дел од соопштението на „сините“.
Во Челси се надеваат дека владата ќе ја промени одлуката и ќе му излезе в пресрет на клубот.
„Челси беше опфатен од санкциите кои владата ги воведе кон господинот Абрамовиќ, но притоа издаде дозвола за клубот да може да продолжи да функционира со намалени активости. Ќе ги одиграме нашите натпревари во машка и женска конкуренција против Норич и Вест Хем, а потоа ќе побараме разговор со Владата околу лиценцата. Исто така ќе бараме препорака од Владата за влијанието на овие мерки врз фондацијата на клубот, која има многу важна работа во нашата заедница“, сооошти Челси.