Руско Министерство за одбрана: Почнати се редовни зимски воени вежби во близина на Украина
Русија денеска објави дека започнала редовни зимски воени вежби во нејзиниот Јужен воен округ, што делумно се граничи со Украина.
Според руското Министерство за одбрана, околу 10.000 војници се прераспоредени во областа на маневрите, кои ќе го опфатат и анектираниот Крим и териториите долж отцепените „народни републики” во источна Украина.
„Зимските вежби со учество на моторизирани пешадиски единици ќе се одржат на повеќе од 30 полигони во најмалку шест различни области”, соопшти Министерството.
Претставниците на САД, НАТО и Украина со недели предупредуваат за можен нов руски напад врз Украина, наведувајќи го невообичаеното движење на руските војници долж украинската граница. Москва ги отфрла овие наводи.
Извор: МИА
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот