Шпанскиот тенисер во разговор за францускиот весник открива детали од својата кариера, а зборува и за односот со Рожер Федерер.

– „Л’Екип“ се смета за сериозен дневен весник во Европа и нормално дека ми е мило што наградата доаѓа од Франција, за мене втората најважна земја по Шпанија. Ова е големо признание за мене, а воедно претставува и голема чест – рече Надал.

Шпанецот иако игра во исто време со уште двајца неверојатни тенисери, Рожер Федерер и Новак Ѓоковиќ, во своите витрини има дури 19 грен слем пехари.

– Рожер беше многу покомплетен тенисер од мене на сите терени. Денеска тој има 38 години, јас 33 и работите сме променија. Тешко е да се каже кој е подобар од нас двајца, верувам дека кога луѓето одлучуваат, нивниот избор зависи од кој момент од кариерата го споредуваат.

Пореално е да се каже дека помеѓу нас двајца нема многу голема разлика, а за тоа кој е најдобар. Мојот одговор е не знам. Треба да се разгледаат и други параметри иако е јасно дека грен слем титулите се најважни – истакна Надал кој смета дека идната година конечно некој од младите тенисери ќе освои грен слем трофеј.

– Не верувам дека големата тројка во тенисот ќе продолжи да ги освојува грен слем титулите. Некој од младите играчи уште наредната година ќе дојде до титулата.