Росе го заменил Елмас на полувремето поради здравствени проблеми
Репрезентативецот на Македонија, Елиф Елмас во саботата за првпат беше стартер за Лајпциг во натпреварот против Дармштад (2:0), но изненанадувачки тренерот Марко Росе го остави во соблекувалната на полувремето.
Елмас не разочара со својот настап, а тоа сега го потврди и Росе кој објасни и зошто го заменил нашиот репрезентативец. Имено, Елмас имал здравствени проблеми, односно се пожалил на болки во стомакот и главата.
„Елмас одигра добро полуваме, можеше да се забележи дека беше мотивиран и полн со енергија и тоа е задоволувачки за мене. На паузата ми кажа дека не се чувствува најдобро, се пожали на болки во стомакот и главата, па немав друг избор. Бев изненаден и јас, но не сакав ништо да ризикувам“, изјави Росе.
На местото на Елмас во игра Баумгартнер кој беше и стрелец на вториот гол за германскиот тим. Фудбалерите на Лајпциг по натпреварот вчера имаа слободен ден, а веќе денеска се враќаат на тренинзите. Следна шанса за да ги покаже своите квалитети, Елмас ќе има во петок кога Лајпциг игра против Келн.
ВИДЕО | Eлмас за првпат беше стартер, Баерн постигна осум гола против Мајнц
е