Репрезентативецот на Македонија, Елиф Елмас денеска за првпат откако е во Лајпциг доби шанса од првата минута против Дармштад.

Лајпциг победи во натпреварот со 2:0, а македонскиот репрезентативец на теренот помина само едно полувреме. Иако, не разочара и Лајпциг со него имаше предност од 1:0, тренерот Марко Росе одлучи да го остави на клупата во вториот дел.

Додека беше на теренот Елмас активно учествуваше во играта и имаше шанси за гол. На местото на Елмас во игра влезе Баумгартнер кој ги постави конечните 2:0.

Баерн Минхен ја забележа најубедливата победа во Бундеслигата попладнево и го „торпедираше“ Мајнц со огромни 8:1. Одличен настап имаше Хари Кејн кој постигна хет-трик, а голови постигнаа уште Мусиала, Гнабри, Милер и Горецка кој двапати стрелаше. Голот за Мајнц беше дело на Надием Амири.

За Баерн овој триумф беше вкупн 18-ти во сезоната и барем на кратко се доближи до лидерот Леверкузен на седум бода. „Фармацевтите“ својот натпревар од ова коло го играат утре против Волфсбург.

На останатите два натпревари денеска Аугусбург со 1:0 го совлада Хајденхајм, а Борусија Менхегладбах и Келн ремизираа 3:3.