Фудбалерот на Јувентус и на португалската репрезентација, Кристијано Роналдо се спаси од кривичен прогон за силување на Кетрин Мајорга.

Мајорга откри дека уште пред 10 години се откажала од тужба бидејќи се договорила со адвокатите на Португалецот да и исплатат 375.000 долари како компензација. Но, по 10 години, на 8 јули годинава Мајорга повторно поднела за тужба за случајот кој се случил во 2009 година во хотел во Лас Вегас. Сепак истрагата е завршена поради недостаток на конкретни докази.

„Барањето за кривично гонење на Кристијано Роналдо е проследено во јавното обвинителство на 8 јули 2019 година. На основ, на досега собраните информации и докази, обвинувањата за сексуално злоставување против Кристијано Роналдо не можат да се докажат. Поради тоа, обвинието се отфрла“, стои во соопштението на јавното обвинителство на државата Невада.