РК Еурофарм Пелистер ќе ги започне подготовките за вториот дел од сезоната 2021/22 на деветти јануари во спортската сала „Боро Чурлевски“ во Битола.

На прозивката на тренерот Ларс Валтер ќе бидат отсутни само ракометарите кои ќе земат учество на Светското првенство во Полска и Шведска.

Првата фаза ќе биде реализирана во Битола, а од 26 јануари екипата ќе замине на подготовки во Србија, каде ќе одигра неколку контролни натпревари.

Исто така и РК Еурофарм Пелистер 2 ќе ги започне подготовките за вториот дел на сезоната 2021/22 на деветти јануари во спортската сала „Боро Чурлевски“ во Битола.

На прозивката на тренерот Александар Јовиќ ќе бидат отсутни само ракометарите кои ќе земат учество на Светското првенство во Полска и Шведска. Комплетните подготовки екипата ќе ги помине во Битола, а предвидени се неколку контролни натпревари кои дополнително ќе бидат дефинирани и објавени.