Реконструирана улицата „Трифун Бузев” во Карпош 4
Целосно е реконструирана улицата „Трифун Бузев” во населбата Карпош 4, во близина на Основното училиште „Петар Поп Арсов”.
– Се обнови коловозот во должина од 85 метри, а санацијата ја направија службите на ЈП „Улици и патишта” преку Договорот за меѓуопштинска соработка, склучен со локалната самоуправа, соопшти Општина Карпош.
Во претстојниот период ќе следи реконструкција на улицата „Хелсинки” во Тафталиџе 1 и санација на ул. „Новопроектирана” во Криви Дол.
Во изминатиот период се реконструираа улиците: „Карпошово востание”, „Варшавска”, „Даскал Камчев”, „Њуделхиска”, дел од „Гиго Михајловски”, а Град Скопје обезбеди санации и за „Љубљанска”, „Московска” и поголем дел од булеварот „Партизански одреди”.
Општина Карпош информира дека продолжува со рамномерно и планско подобрување на инфраструктурата во сите урбани заедници.