Нашите баби и дедовци обожавале ликер од зелени ореви. Добро знаеле дека тој е поделотворен од многу лекови.

Оревите лекуваат разни заболувања, а многу помагаат и за проблеми со штитната жлезда, грлото, респираторните патишта, како и за бронхитис, но и за зајакнување на имунитетот.

Народната медицина препорачува ореовка за лекување анемија, но и како прва помош за стомачни проблеми и за забрзување на дигестијата.

Сега е вистинско време за берење млади, зелени ореви и за правење ликер од ореви, односно ореовка.

Состојки:

40 млади ореви

1 кг мед

1 л ракија

Ставете ракавици и исечкајте млади ореви, па ставете ги во поголема стаклена тегла. Врз нив додајте 1 кг мед и 1 л ракија. Затворете со соодветен капак, па оставете ја теглата да стои на сонце 40 дена.

Повремено промешувајте ја смесата со пластична лажица.

Примена: Секое утро на празен желудник испијте по една мала чашка за ракија од овој ликер.

Ореовката е исклучително богата со јод, па затоа е добар лек за болести на тироидната жлезда. Пред послужување, протресете ја малку ореовката за да се подигне лековитиот талог.

Како аперитив, служете ја ореовката со мраз и резанки лимон.