Рецепт за печени компири полнети со павлака и сирење
Иако компирот многу се користи во сите кујни во светот, а особено во македонската, секогаш постои начин на негова подготовка кој сѐ уште не сте го пробале. Овој зеленчук е добредојден гостин и на секојдневните, но и на свечените трпези, и во солени и во слатки јадења. Јадење што можете да го подготвите дури и кога имате прослава е полнети компири.
Многу е заситен, брзо и лесно се подготвува, а ретко кој ќе му одолее. Полнетите компири се најдобри кога сѐ уште топли, иако се многу вкусни и како ладно предјадење.
Состојки:
– 120 милилитри хопла
– 120 грама кашкавал
– 4 лажици кисела павлака
– 200 грама пармезан
– 200 г путер
– маслиново масло
– сол и бибер
– 4 компири поголеми
Приготвување:
Добро измијте ги компирите под силен млаз вода. Потоа со остар нож направете засеци во компирите со околу 1/2 см дебелина, внимавајќи да не ги пресечете до крај. Исечете го путерот на тенки парчиња. Сечењето ќе ви биде полесно ако предходно го оставите путерот во фрижидер за замрзнување неколку минути за да се излади и да се стврдне. Пармезанот исечете го на тенки парчиња. Потоа внимателно редете ги наизменично парчињата пармезан и путер во засеците од компирите.