Рецепт за домашнo темнo чоколадo од три состојки
Чоколадото може да биде квалитетна намирница во зависност од состојките од кои е направено.
При изборот на чоколадо, основно е да забележиме колку какао има во него. Исто така, добро е да се провери дали какаото е органско, каков шеќер содржи и во колкав процент. Ако чоколадото содржи повеќе какао, со самото тоа е и поквалитетно и поздраво.
Денеска ви донесуваме здрав рецепт за домашно чоколадо, кое ќе ја задоволи вашата желба за слатко, а притоа нема да се грижите дали ќе добиете килограм плус.
Состојки:
– 100 грама какао во прав
– 3 до 4 лажички кокосово масло, омекнато
– 3 лажички мед
Подготовка:
Во мал сад измешајте ги сите три состојки заедно и добро мешајте за убаво да се соединат. Адаптирајте ја слаткоста на вашиот вкус.
Сипете ја чоколадната смеса во плех за печење обложен со хартија за печење и измазнете ја со шпатула.
Ставете ја чоколадата во замрзнувач 20 минути, а потоа извадете ја и исечете ја со нож на парчиња.
Важно е кокосовото масло целосно да не се растопило бидејќи кокосовото масло и какаото во прав ќе се раздвојат. За мазна текстура, најдобро е да користите цврсто или омекнато кокосово масло.
Овој рецепт е неверојатно прилагодлив, затоа слободно бидете креативни! Додадете повеќе или помалку мед (или друг засладувач), парчиња кокос, исечени бадеми, ф’стаци, суво овошје… комбинациите се бесконечни.