Нејмар кој е главна тема во летниот преоден рок, на крајот ќе го истера своето, ќе го напушти ПСЖ и ќе се врати во Шпанија. Но, тоа нема да биде Барселона, туку Реал Мадрид, објави новинарот на каталонскиот весник „Мундо Депортиво“, Францеск Агиљар.

Me insisten desde París que PSG y Real Madrid están de acuerdo por Neymar, que sólo falta el OK del brasileño en el que están trabajando.Mientras desde el Barça dicen que no, que siguen en la batalla y que no está perdida. Veremos. Florentino tiene preparada la pasta ¿y el Barça?

— Francesc Aguilar (@FApor_elmundo) August 16, 2019

Според новинарот, ПСЖ и „кралскиот“ клуб постигнале договор за трансферот и се чека само зелено светло од фудбалерот.

Засега не е позната понудата која ги задоволила барањата на челниците на францускиот тим, но последната понуда на Реал Мадрид беше 120 милиони евра и Лука Модриќ, а ПСЖ бараше во пакетот да биде и младиот Винисиус.

Иако медиумите веќе објавија дека договорот е постигнат, во Барселона сè уште се надеваат дека ќе успеат да го вратат Нејмар на „Камп Ноу“. Тие се подготвени да ја исполнат желбата на директорот на ПСЖ, Леонардо и во понудата да ги вметнат двајцата фудбалери кои ги бара, Нелсон Семедо и Тодибо.