Разговор на воените лидери на САД и Кина по една година пауза
Воените лидери на САД и Кина вчера првпат по повеќе од една година имаа онлајн состанок, објави Пентагон. Во ноември двете велесили решија да ја обноват комуникацијата меѓу нивните вооружени сили, а вчера преку видео врска разговараа началникот на Генералштабот на САД Чарлс Браун и неговиот кинески колега Лиу Женли.
Браун ја истакна важноста на споделувањето за да се избегнат погрешни проценки и поврзаните потенцијални ризици во воените операции, рече портпаролот на Пентагон, Пет Рајдер. Тоа беше првиот телефонски разговор со Лиу за Браун, кој е на оваа функција од септември. Рајдер го нарече развојот „позитивен“.
САД и Кина се обидуваат да ги стабилизираат затегнатите односи. Американскиот претседател Џо Бајден и кинескиот претседател Си Џинпинг се сретнаа во Сан Франциско во средината на ноември. Вашингтон претходно во неколку наврати се пожали дека вообичаената директна воена комуникација со Пекинг не функционира и дека може да доведе до опасни недоразбирања и погрешни пресметки.
Пекинг, на пример, ги одби барањата за разговори на ниво на министри за одбрана. Вашингтон постојано предупредуваше дека комуникацијата меѓу армиите на двете земји е од суштинско значење за одговорно управување со односите.