Рама: Влегуваме во тешка недела, губиме луѓе од коронавирусот
Премиерот на Албанија, Еди Рама реагираше на Фејсбук во врска со последните случувања со коронавирусот. Тој вели дека земјата се соочува со тешка недела бидејќи бројот на смртни случаи од Ковид-19 се зголемува.
– Влегуваме во третата недела која е многу тешка и во која губиме луѓе. На рака ни стои само една работа за да спасиме што повеќе животи: да ги стиснеме забите и да издржиме, издржиме, издржиме, да не ги прекршиме мерките за ограничување на движењето, да не излеземе од домовите без потреба, движејќи се сами во улица кога е потребно да се излезе, стоејќи во редот најмалку 1 метар пред другиот на пазар-, напиша Рама.
Инаку денеска бројот на лица кои го загубиле животот од коронавирусот се искачи на четири. Првично беше објавено дека е регистрирана и петтата жртва, но министерството за здравство на Албанија само се демантираше изјавувајќи дека 61-годишниот пациент од Тирана не починал туку доживеал клиничка смрт.