Рама: Бугарската блокада на Македонија и Албанија е најантиевропска работа
Ситуацијата во Македонија, според премиерот на Албанија е првенствено резултат на политиката на Унијата, која не може да стави крај на практиката на киднапирање земји.
Пристапувањето на Албанија во ЕУ е блокирано поради несогласувањата меѓу Македонија и Бугарија. Да го искористиш местото во ЕУ како лост против соседите е најантиевропската работа што може да се замисли, изјави албанскиот премиер Еди Рама на Минхенската безбедносна конференција.
Рама, говорејќи за блокадата на евроинтеграцискиот процес од страна на Бугарија, изрази надеж дека Албанија е веќе одвоена од Македонија бидејќи, како што нагласи, последниот пат на двете држави, не им беше дозволено да го направат следниот чекор.
Тоа се случи поради ситуација која не е поврзана со Албанија, туку со Бугарија. Откако ги одржавме меѓувладините конференции и го завршивме скрининг процесот со ЕУ, мислам дека веќе не сме двојка – додаде тој.
Ситуацијата во Македонија, според премиерот на Албанија е првенствено резултат на политиката на Унијата, која не може да стави крај на практиката на киднапирање земји.
ЕУ им дозволува на своите членки да го користат своето место во блокот како лост против своите соседи. Тоа е најантиевропското нешто што човек може да си го замисли, вели Рама.
Затоа, како што изјави тој, на двете земји треба да им се дозволи да преговараат одделно, а не како пакет.т.
На дискусијата учествуваат и македонскиот претседател Стево Пендаровски, црногорскиот претседател Јаков Милатовиќ и американскиот сенатор Џејн Шахин.