Рајанер во моментов не размислува за воведување летови од Белград
Високите трошоци на аеродромот Никола Тесла се причината поради која нискобуџетната авиокомпанија Рајанер не планира да лета од Белград „туку продолжува да го следи српскиот пазар во потрага по можности“, пишува порталот Eксјуавиешн. Компанијата Рајанер во Србија одржува летови од Ниш. Аеродромот во Белград е прескап и не ни е опција во моментов.
-Ќе продолжиме да го следиме српскиот пазар. За нас е интересно и ако видиме дека можеме да го претвориме неговиот потенцијал во профит, ќе се одлучиме за натамошно проширување на тој пазар. Сметаме дека српскиот пазар има голем потенцијал. Поставувањето на авионот во Белград во моментов не е опција за нас. Секако, тоа не значи дека Рајанер нема да продолжи да ја шири својата мрежа од Ниш и да придонесе за раст на бројот на патници“, велат од оваа авиокомпанија. Порталот наведува дека Рајанер, во рамките на поранешна Југославија, има база во Загреб, а работи и од Подгорица, кога станува збор за главните градови. Регионално, авиокомпанијата има бази во Будимпешта, Букурешт и Софија, а наскоро ќе започне и со летови до Тирана.