Во последниот петти натпревар од првото коло во новата сезона од најдобрата македонска кошаркарска лига Работнички славеше убедливо со конечен резултат 103:58 (24:14, 24:21, 27:16, 28:7) против екипата на МЗТ Скопје УНИ БАНКА.

Младите „штркови“ свесни дека ја имаат улогата на аутсајдер го даваа максимумот во сите 40 минути, собирајќи драгоцено искуство за времето кои е пред нив.

Најефикасни во тимот од Градски парк победничките редови беа В. Ефремовски со 23 поени и Б. Двејн со 19 поени (девет скокови, четири асистенции, пет украдени топки).

На спротивната страна по 12 поени и 10 скокови имаа Л. Тодоровски и Б. Стојановски. Да потсетиме, на останатите средби од стартната рунда беа остварени следните резултати: Вардар-Еуро Никел 2005 82:92, Кожув-МЗТ Скопје Аеродром 76:78, Гостивар-Академија ФМП 95:75 и Куманово-Пелистер 84:79.

Двојки, 2. коло: Еуро Никел 2005-Пелистер, Академија ФМП-Куманово, Работнички-Гостивар, МЗТ Скопје Аеродром-МЗТ Скопје УНИ БАНКА и Вардар-Кожув.