Во натпревар со голем број на резултатски промени, играчите на Работнички излегоа како победници против Еуро Никел 2005 со резултат 80:75 во Првата македонска кошаркарска лига.

Ова е уште еден чекор напред за тимот од „Градски парк“ во трката за што подобра позиција на првенствената табела.

Во победничките редови Џелетовиќ доминираше со 18 поени (девет скокови), а на спротивната страна „дабл-дабл“ учинок оствари Планиниќ (22 поени, 10 скокови).

Се одиграа уште два меча во неделата, Куманово триумфираше над Струмица со 89:82, додека Чаир 2030 беше подобар од ФМП Академија (72:60).

Табела: МЗТ Скопје Аеродром 38 бодови, Пелистер 38, ТФТ 35, Гостивар 35, Работнички 34, Еуро Никел 2005 32, Феникс 2010 31, Кожув 30, Чаир 2030 26, ФМП Академија 26, Куманово 26, Струмица 23.