ПСЖ сака што поскоро да се раздели со Нејмар и Меси!?
Раководството на францускиот фудбалски шампион ПСЖ сака да продаде две од големите ѕвезди во составот, Лионел Меси и Нејмар, пренесува „КОПЕ“.
Причината е што 35-годишниот Аргентинец Меси и 30-годишниот Бразилец Нејмар не се вклопуваат во новата стратегија на парискиот клуб.
Планот на очекуваниот нов тренер на тимот Кристоф Галтие и спортскиот директор на клубот Луис Кампос е да изградат поконкурентен тим со помалку ѕвезди.
Шефовите на ПСЖ сакаат што поскоро да ги продадат Меси и Нејмар, но сфаќаат дека тоа ќе биде тешко остварливо поради високите финансиски барања на двајцата фудбалери.
Покрај тоа, Бразилецот останува најскапиот фудбалер на светот откако парижаните за него ѝ платија на Барселона 222 милиони евра и сѐ уште се надеваат дека ќе можат да повратат барем дел од таа сума. Во последните денови се шпекулираше дека интерес за него покажува Челси.
ПСЖ го донесе првото засилување, наскоро доаѓаат уште тројца фудбалери