Првото полувреме од финалето во Лигата на шампионите во кое играат Ливерпул и Реал Мадрид заврши без голови,иако и двете екипи можат да жалат за пропуштените шанси. Фудбалерите на Ливерпул имаа повеќе шанси, повеќе шутеви во рамките на голот, но Реал Мадрид во финишот постигна гол преку Бензема кој беше поништен поради офсајд.

Првите 15-тина минуа поминаа без шанси, а во прв се закани Ливерпул во 16 минута преку Салах кој не успеа да го изненади Куртоа. Следниот напад Салах исто така шутираше од 20-тина метри, но Куртоа беше сигурен. Во 20. минута, Куртоа со крајни напори и со помош на стативата го запре шутот на Садио Мане.

Потоа следуваше помирна игра на двете екипи без големи шанси. Во финишот од првиот дел Бензема постигна гол кој беше поништен од судијата Турпан поради офсајд, но на потврда на таквата одлука неколку минути се чекаше од ВАР собата. На крајот, одлуката не беше променета и Ливерпул и Реал Мадрид на одмор заминаа со почетниот резултат.