Жителите на Лезбос и Хиос, по инцидентите во текот на ноќта и обидите да ги спречат камионите и булдожерите кои под силно полициско обезбедување стигнаа на островите за изградба на затворените центри и рано утрово продолжија со блокадите, јави дописничката на МИА од Атина.

Повторно беше тензично и на Лезбос и на Хиос, а локалното население овој пат блокадите ги постави на патот што води до локациите предвидени за изградба на затворените центри за бегалци и мигранти.

Префектот на северниот дел од Егејското море, кој е заедно со жителите на Лезбос на една од блокадите, преку неговиот „Фејсбук” профил коментираше дека „денеска е срамен ден за сите”, вели дека е срамота жителите кои ги чуваат островите „да бидат тепани и да страдаат”, но додаде дека ни за време на Хунтата не се правеле такви работи.