Чекањето конечно заврши, најдобрите европски фудбалери по двомесечна пауза, повторно ќе ни приредат спектакл овој пат во нокаут фазата од Лигата на шампионите.

Вечерва во првите натпревари од осминафиналето од 21.00 часот ќе уживаме во вистински дербија на „Ванда Метрополитано“, каде Атлетико го пречекува Ливерпул, а на „Вестфален“ Борусија Дортмунд е домаќин на ПСЖ.

? #UCL back with a BANG! ?

? Which 2 teams would you back to win their ties? @GazpromFootball

— UEFA Champions League (@ChampionsLeague) February 18, 2020

„Јорганџиите“ немаа среќа во ждрепката, го добија актуелниот бранител на титулата во ЛШ кој сезонава е како „брз воз“ доминирајќи во Англија и Европа.

Фудбалерите на Јирген Клоп во 26 одиграни натпревари во Премиер лигата и шест во Лигата на шампионите забележаа дури 29 победи, двапати ремизираа и само со еден пораз, што покажува дека „црвените“ се фаворити во овој двомеч за пласман во четвртфиналето.

? Estadio Metropolitano#UCL pic.twitter.com/wPlRG7ogh2

— Liverpool FC (@LFC) February 17, 2020

Атлетико има само еден триумф на последните седум натпревари во сите шпански натпреварувања. На најпосетуваниот европски стадион, головите се загарантирани бидејќи и „жолто-црните“ и парижаните се во фантастична форма.

Дортмунд има постигнато дури 24 гола на последните шест натпревари во Германија, а „светците“ само еден гол помалку во Франција во тој период.

Лига на шампиони, осминафинале –
Први натпревари

Денеска –
21.00 часот Атлетико Мадрид-Ливерпул
21.00 часот Борусија Дортмунд-ПСЖ

Среда –
21.00 часот Аталанта-Валенсија
21.00 часот Тотенхем-Лајпциг

25. февруари –
21.00 часот Челзи-Баерн Минхен
21.00 часот Наполи-Барселона

26. февруари –
21.00 часот Лион-Јувентус
21.00 часот Реал Мадрид-Манчестер сити