Претепан демонстрант од Белград раскажува: Ги прашав – луѓе, дали за ова ве плаќаат, да го тепате својот народ? (ВИДЕО)
Полицијата во Белград, ноќеска околу 23:00 часот тргна во интервенција против граѓаните што се обидоа да влезат во Собранието за време масовниот протест против претседателот Александар Вучиќ.
Повеќе лица се повредени и уапсени во интервенцијата, пренесе Нова.рс, а еден од повредените раскажува што се случило.
„Стоев пред нив и ги прашав – луѓе, дали за ова ве плаќаат, да го тепате својот народ? Тогаш нагрнаа од тука и почнаа да шибаат кого ќе стигнат. Ме дограбија мене… Сè е во ред“, изјави еден од тепаните демонстранти со крв на лицето:
На социјалните медиуми се споделуваат и други вознемирувачки снимки на кои се гледа како полицијата брутално претепа мирни демонстрати кои седат на клупа, а во еден момент на камера се гледа неуспешен обид на полицаец да ја спречи новинарката Јелена Зориќ од Н1 да ја пренесе репортажата во живо.