Поразот од Сасуоло ги зовре страстите: Тепачка во соблекувалната на Лацио
Катастрофалната серија на Лацио и трите порази по ред кулминираа по денешниот дебакл против Сасуоло. Лацијалите на „Олимпико“ загубија со 1:2 и речиси му ја подарија титулата на Јувентус, што беше причина за тепачка во соблекувалната.
Според „Според Медиасет“, веднаш по натпреварот дошло до физичка пресметка помеѓу фудбалерот Франческо Ачерби и директорот на медицинската служба, Иво Пулчини.
Една од причините зашто Ачерби му се нафрлил на Пучини се големиот број на повреди во изминатиот период и вербалната пресметка преминала во физичка.
Исто така имало и меѓусебни обвинувања помеѓу фудбалерите поради недоволното залагање на теренот кое довело до серија од три порази и губење на шансите за освојување на титулата. Челниците на екипата веднаш ги демантираа овие тврдења на „Спорт Медиасет“.
„Сакаме категорично да ги демантираме информациите дека по натпреварот со Сасуоло имало физичка пресметка во соблекувалната и да истакнеме дека ваквите информации немаат никаква основа“, порачаа од управата.