ПОНИСКИ ПРИМАЊА ПО ЕПИДЕМИЈАТА: Видете што ги очекува граѓаните на најбогатите земји
Речиси три четвртини од граѓаните на Групата седум (Г7) најбогати земји во светот ги очекува пониски примања поради пандемијата на коронавирусот, покажа истражување објавено денес.
Како што пренесува хрватскиот портал „Новац.хр“, за да се запре вирусот изолирани се цели региони, запрено е пружање на услуги и производство, а прекинати се и набавните ланци. Во Италија која моментално е жариште на заразата во Европа, дури 82 отсто до испитаниците на истражувањето на Кантара наведуваат дека приходите во нивните домаќинства се намалиле поради епидемијата, односно дека очекуваат нивен пад.
Нивниот удел е најголем меѓу земјите членки на Г7 – за споредба, во САД таква оцена дале 74 отсто од испитаниците, а во Велика Британија 70 проценти.
Најмал е уделот на испитаниците кои очекуваат финансиски притисок во Германија. Во сите земји на Г7 поголемиот дел од анкетираните изјавиле дека подолго и почесто ги мијат рацете. Во Британија само 28 отсто од испитаниците навеле дека сега почесто работат од дома, само нешто повеќе од половина избегнуваат да ги посетат старите и ранливи роднини и пријатели кога тоа е можно.
Интернет-анкетата е спроведена минатата недела, пред британската влада да им препорача на граѓаните да останат дома. Во Јапонија наголем број од испитаниците изјавиле дека започнале да носат маска (65 отсто), а најмалку од нив ги преземаат другите мерки наведени во анкетата, како одржување на дистанца од други луѓе, почесто миење на рацете и избегнување на непотребни социјални контакти.
Во Германија, Канада и Велика Британија повеќе од половина испитаниците сметаат дека јавните служби во нивните земји се подготвени да се справат со епидемијата и нејзините последици. Најниско ниво искажале испитаниците во Франција – само 33 отсто од нив сметаат дека нивната земја може да се справи со епидемијата.
Во Италија, која досега забележа речиси седум илјади смртни случаи, најмногу испитанци се „многу загрижени“ за здравјето на локалната заедница, а ги загрижува и достапноста на здравствените услуги.
Италија, пак, го зазема првото место по бројот на анкетирани кои силно ги одобруваат реакциите на владата за справување на пандемијата – таква оцена изнеле вкупно 39 отсто од испитаниците. Најниско ниво на доверба искажале испитаниците во Јапонија – само пет отсто од нив ги одобруваат мерките на владата. Следи Британија со 17 отсто.