Пелистер и Работнички на една победа до полуфинале во плеј-офот
Eкипата на Пелистер дојде до нова победа на домашен терен откако во четвртфиналната серија славеше против Еуро Никел со 90:85 и поведе со 2:0.
Битолскиот состав одлично тргна и на почетокот се „одлепи“ резултатски, а таа предност и знаеше да чува, Еуро Никел предозна се разбуди и само во последната четвртина внесе одредена доза неизвеност, но тоа не беше доволно за некаков пресврт.
Пелистер од почетокот на натпреварот беше во водство, а на паузата замина со предност од 46:40, а клучната разлика беше направена во третиот период. Избраниците на Радуловиќ играа цврсто во одбраната, па во последниот период влегоа со 15 поени предност.
Во завршницата гостите влегоа во серија и на 18 секунди до крајот имаа само три негатива 88:85. Имаа шанса и за израмнување, но Младеновиќ прмаши тројка и тука ги загубија шансите за целосно враќање во натпреварот.
Најефикасен во редовите на Пелистер беше Костоски со 25 поени, Маслинко уфрли 21, додека Магдевски средбата ја заврши со осум поени и девет асистенции. На спротивната страна Дубински имаше 23 поени и Врањеш 20.
Во вторниот натпревар кој се играше денеска претходно Работнички се помачи, но дојде исто така до втора победа против Феникс (100:94) и водство од 2:0.