Патиштата во Романија се најопасни за возачите, а потоа следат Србија и Бугарија. Најбезбедно е да се вози во Норвешка. Ова го покажува новото истражување на Вињетсвицерланд.ком, кое ги анализира најновите податоци на Европскиот совет за безбедност на транспортот за бројот на загинати во сообраќајот на патиштата на 1 милион жители, пренесува “Сега.бг.њус“.

Студијата покажува дека во 2022 година имало 85,81 смртни случаи на 1 милион население во Романија. Сепак, има намалување – за 10,26% во однос на 2012 година, кога имало 95,62 смртни случаи на милион. Србија е на второ место со 82,65 смртни случаи на 1 милион, што е намалување за 13,01% во однос на 2012 година. Бугарија ја затвора првата тројка со 77,64 смртни случаи на 1 милион.Сепак, овде има минимално намалување во однос на 2012 година – само 6,02%. Истражувањето покажува и дека Норвешка е најбезбедната земја за возење во Европа.

Во 2022 година земјата има само 21,38 смртни случаи на 1 милион, што е целосно намалување за 26,48% во споредба со 2012 година, кога имаше 29,08 смртни случаи. На второ место е Шведска со 21,72 смртни случаи на 1 милион /27,74% намалување/, а Велика Британија на трето место со 25,89 смртни случаи /9,51% намалување/.