Откако истото го направи во Кина, коронавирусот го „прочисти“ воздухот и во северна Италија
Како што беше случај и со Кина, изгледа дека потполната блокада на Италија поради коронавирусот доведе до „прочистување“ на воздухот, а доказ за тоа се сателитските снимки кои покажуваат дека ситуацијата е значително подобра, барем кога станува збор за загадувањето на воздухот на северот на Италија.
Европската вселенска агенција преку своите снимки покажа како нивото на штетни гасови драстично е намалено.
7 day running average of NO₂ (air pollutant) levels in Europe in 2020. For example in North #Italy the pollution levels have clearly decreased. OMI satellite data. #COVIDー19 #CoronaVirus #covid19 #airquality pic.twitter.com/RX9uizaGMP
— Antti Lipponen (@anttilip) March 11, 2020
Цела Италија веќе три дена е во потполн карантин поради катастрофалното ширење на коронавирусот. Блокадата придонесе до намалени активности, како на фабриките, така и на патувањата, па емисијата на штетни гасови значително е намалена.
НАСА претходно објави слични снимки кои се однесуваат на Кина, а таму воздухот по неколку недели карантин беше значитечно прочистен.
За потсетување, од коронавирусот во светот починаат повеќе од 5 илјади луѓе, заразени се 144.000. По Кина, најлоша е состојбата во Италија, каде во последните 24 часа починаа 250 лица.