ОСТРА РЕАКЦИЈА ОД ОБВИНИТЕЛСТВОТО: Изјавата на Пендаровски е притисок и мешање во нашата работа – Слободен печат
ВестиМакедонија

ОСТРА РЕАКЦИЈА ОД ОБВИНИТЕЛСТВОТО: Изјавата на Пендаровски е притисок и мешање во нашата работа

Од обвинителството велат дека ако сакал Пендаровски да ги поддржи треба да ги повика пратениците да гласаат за законот за ОЈО.

Не е време за напади на институциите и нема да дозволиме дискредитирање на обвинителите и мешање во кривични постапки од страна на политичарите, реагира Јавното обвинителство.

„Изјавата на претседателот на Република Северна Македонија дека дава целосна поддршка на обвинителството и дека ќе ги употреби сите уставни и законски овластувања за да го заштити од притисоци ќе беше реална, доколку повикаше пратениците да го изгласаат Законот за јавното обвинителство и доколку дадеше поддршка за зајакнување на капацитетите на обвинителството за поефикасна борба против криминалот и владеење на правото“, се вели во соопштението од ЈО.

Обвинителството потенцира дека за посочениот предмет, се постапува неселективно и навремено, според утврден план на истрагата и дека сите инволвирани во кривични дела ќе бидат сослушани или испитани и ќе одговараат согласно законот.

„Уште еднаш потенцираме дека подлегнувањето на политички притисоци и мешање во работата на обвинителството, штетно влијае врз текот и успешноста на истражната постапка и врз обезбедување на доказите“, велат од ЈО.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close