Екипата на Шкендија со натпреварот во Естонија против Номе Калју ги започнува настапите во квалификациите за Лигата на шампионите. Уште на ждрепката, македонскиот шампион ја доби фаворитската улога, а тренерот Ќатип Османи очекува неговите избраници да го потврдат фаворитскиот статус и на теренот со позитивен резултат.

– Го анализиравме противникот и подготвени сме за првиот предизвик. Го респектираме Номе Калју, но свесни сме за сопствениот квалитет и веруваме во позитивен епилог. Естонскиот тим несомнено поседува квалитет, имаат одличен среден ред и посебно се опасни по левата страна. Посветени сме на нашето издание и очекуваме поволен резултат – вели Османи Османи.

Капитенот Арменд Алими исто така смета дека Шкеднија е поквалитетниот тим но тоа мора да се потврди на теренот.

– Натпреварите на европска сцена се секогаш потешки од оние во домашниот шампионат, но, сепак, квалитетот речиси секогаш пресудува. Мислам дека Шкендија е поквалитетен тим, максимално сме мотивирани и фокусирани и веруваме во успех – изјави Алими.