Омилените тестенини во слатка варијанта: Медени шпагети со ореви
Доколку сте љубител на шпагети, а притоа сакате да експериментирате со вкусовите овој рецепт е како создаден за вас. Брзите и лесни сосови се одличен додаток во тестенините затоа што го збогатуваат нивниот вкус. Овој пат наместо Карбонара или Болоњезе сос во предлагаме еден сладок и уникатен сос чии главни состојки се домашен мед и ореви.
Состојки:
– 250г шпагети
– 50г. сечкани ореви
– 4 лажици мед
– 2 лажици кафеав шеќер
– 4 лажици кокосово брашно
– 100г посно чоколадо за готвење (по желба)
Подготовка:
Сварете ги шпагетите во вода во која ќе додадете и малку сол. Убаво исцедете ги и додека се топли додадете го медот и убаво промешајте ги во некој подлабок сад.
Во истиот сад потоа додадете го шеќерот, сечканите ореви и кокосовото брашно. Посната чоколада стопете ја на пареа и прелијте ги макароните откако ќе ги сервирате во чинија.
Добар апетит!