Официјално: Даниеле Де Роси е новиот тренер на Рома
Само неколку часа откако беше објавено дека Жозе Мурињо повеќе не е тренер на Рома, италијанскиот фудбалски клуб веднаш го промовираше наследникот.
Станува збор за поранешниот играч на римската „волчица“, Даниеле Де Роси кој ќе биде на клупата до 30 јуни 2024 година.
По 18 години поминати во кариерата како фудбалер на Рома, Де Роси се враќа во клубот и своето деби на тренерската клупа ќе го има в сабота на „Олимпико“ во Серија А против Верона.
Де Роси како играч на оваа екипа запиша 616 настапи и постигна 63 голови, два пати го освои Купот на Италија и еднаш Суперкупот на таа земја.
– Би сакал да му се заблагодарам на семејството Фридкин што ми ја довери одговорноста за главен тренер на Рома. Сите знаат што значи Рома за мене. Немаме време или избор освен да бидеме конкурентни, да се бориме за нашите цели и да се обидеме да ги постигнеме, кои се единствените приоритети што јас и моите помошници си ги поставивме – рече Де Роси за клупскиот сајт.
AS Roma are pleased to confirm that Daniele De Rossi has been appointed as head coach until 30 June 2024.
Welcome home, Daniele! 💛❤️
📄 https://t.co/7e6RgE4dmA#ASRoma pic.twitter.com/2GWqAEGnKY
— AS Roma English (@ASRomaEN) January 16, 2024