Официјално: Жозе Мурињо повеќе не е тренер на Рома
Рома објави дека Жозе Мурињо и неговиот стручен штаб ќе го напуштат италијанскиот фудбалски клуб.
Португалецот беше претставен како 60 тренер на римската „волчица“ во мај 2021 година.
Рома имаше само една победа во последните пет натпревари во Серија А, пред два дена на „Сан Сиро“ загуби со 3:1 од Милан.
Мурињо го предводеше тимот до титулата во Конференциската лига, а стигна и до финалето во Лигата на Европа минатата сезона.
– Би сакале да му се заблагодариме на Жозе во името на сите нас во Рома за неговата страст и напори од неговото доаѓање во клубот. Секогаш ќе имаме одлични спомени од неговиот мандат во Рома, но веруваме дека итна промена е во најдобар интерес на клубот – информираа сопствениците на клубот, Ден и Рајан Фридкин.
Наскоро се очекува Рома да сподели информации околу тоа кој ќе биде новиот тренер на екипата.
AS Roma can confirm that José Mourinho and his coaching staff will leave the club with immediate effect.
Further updates on the new First Team coaching staff will follow imminently.
📄 https://t.co/NtBTn4ugRm#ASRoma pic.twitter.com/HgkyuYEAb3
— AS Roma English (@ASRomaEN) January 16, 2024
