Основното јавно обвинителство Прилеп поднесе Барање за поведување подготвителна постапка со предлог за определување мерка притвор за 15-годишник од прилепското село Сенокос поради постоење на основано сомнение да извршил дејствие што со закон е предвидено како кривично дело, Убиство од чл.123 ст.2 т.7 од Кривичниот законик, стои во соопштението на ОЈО.

Како што информираат од ОЈО, во влезот од зграда  во Прилеп осомничениот со умисла лишил од 14 годишник, нанесувајќи му повеќе убодни рани со нож. Оштетениот успеал да избега, меѓутоа изгубил свест и подоцна им подлегнал на повредите. Бидејќи постојат законски основи, надлежниот јавен обвинител до судијата за деца при Основниот суд во Прилеп поднесе предлог за определување мерка притвор за детето што е во судир со законот.