Објавен списокот на дежурни инспектори за недела-неработен ден
Државниот инспекторат за труд извести дека согласно законските измени и дополнувања на Законот за работни односи со кој недела стана неработен ден, воспоставува дежурства во недела по региони.
„Ги охрабруваме сите работници на кои ќе им бидат прекршени нивните права во врска со работата во недела, спротивно на законските прописи, да пријават во Државниот инспекторат за труд“,соопшти Инспекторатот.
Оттаму информираа дека пријавувањето може да го направат на неколку начини: на веб страницата на Државниот инспекторат за труд (dit.gov.mk) анонимно, или како пријава од познат подносител, со поднесување на пријава во архивите на подрачните одделенија и во централата на ДИТ од понеделник до петок од 8.30 до 16.30, преку кол центарот повикувајќи го бројот 15131 од понеделник до петок од 8.30 до 16.30, и во недела почнувајќи од 2 јануари 2022 година од 8.30 до 16.30 часот на дежурните инспектори по региони. Приотоа, информации со податоци за дежурни инспектори во неделите во јануари 2022 можете да се добијат на следниот линк: https://dit.gov.mk/?p=9833, соопшти Инспекторатот.