Се очекува денеска новоизбраните градоначалници на северните општини на Косово да остварат средба со американскиот амбасадор во Приштина Џеф Ховениер, пренесува Национале.

Ова го изјави градоначалникот на Звечани, Илир Пеци, навестувајќи дека средбата ќе се одржи во Приштина утринава во девет часот.

Пеци рече дека побарал објаснување за средбата и причината зошто биле поканети, но единствениот одговор што го добил бил „кога ќе дојдеш ќе разговараме“.

„Да, не поканија на состанок, на состанокот ќе учествуваме денеска во девет часот. Не кажаа детали зошто не поканиле, сепак јас побарав агенда на средбата, но рекоа дека кога ќе дојдеме ќе разговараме, тоа е се. Засега знаеме дека има средба, а не знаеме за што се работи“, рече Пеци.

На прашањето дали ќе поднесе оставка доколку побара Ховениер, Пеци не одговори.

„Секако дека не би можеле да кажеме такво нешто со него. Тоа допрва ќе го видиме, се зависи од средбата“, нагласи таа.

Од друга страна, генералниот секретар на движењето Самоопределување Алим Рама одржа состанок на кој се собра раководството на оваа партија.

Тој изјави дека на оваа средба „се разговарало и за изборниот процес за општините на северот на Косово“.

Рама изјави дека партијата „им посака среќна работа во служба на сите граѓани без разлика на припадноста“.