Англија може да има повеќе смртни случаи во првата половина на 2021 година отколку во 2020 година, ако не ја забрза програмата за вакцинација и ако не воведе уште построги мерки против вирусот корона, се вели во анализата на лондонското училиште за хигиена и тропска медицина.

Научниците направија студија, користејќи претходни податоци и математички модел, за да се предвиди текот на пандемијата по откривањето на многу заразниот вид на ковид 19.

Ако продолжат сегашните трендови, научниците дошле до заклучок дека 90 проценти од пациентите ќе имаат нов вид на ковид 19 до средината на јануари.

Тие разгледаа што ќе се случи под различни рестриктивни мерки и заклучија дека ако цела Англија се стави под рестриктивно ниво четири помеѓу 26 декември и 31 јануари, бројот R не може да падне под еден, пренесува Гардијан.

Бројот R го означува просечниот број на луѓе кои може да зарази една личност, а кога тој број е над еден, тогаш е присутен експоненцијален раст.

Единственото сценарио што би го намалило влијанието врз здравствениот систем е да се воведе ниво четири од 26 декември, да се затворат училиштата до крајот на јануари и да се вакцинираат два милиони луѓе неделно.

Студијата, која допрва треба да се разгледува и објавува во академското списание, беше презентирана пред индивидуалните здравствени организации.

Научниците исто така велат дека новиот вид, кој се појави во Лондон, на исток и југоисток од Англија, е за 56% позаразен од претходниот, но нема индиции дека е посмртоносен.