Нов земјотрес утринава го погоди градот Петриња
Уште еден земјотрес со интензитет од 4,5 по Рихтер утрово околу 7.50 го погоди хрватскиот град Петриња и околината. Земјотресот се почувствувал и во Загреб.
#potres (#earthquake) 04.01. u 07:49 kod Petrinje, M4.2. Opširnije na https://t.co/gx5MbPj5KC. Ako ste osjetili potres, molimo javite na https://t.co/RJDaIJlwpM
— Seizmološka služba HR (@seizmo_hr) January 4, 2021
Првично во емисија на хрватската телевизија било објавено дека е со јачина од 4.7 степени по Рихтер.
Земјотресот се случил додека во емисија со телефонско јавување гостувала заменичката на градоначалникот на Глина, Бранка Бакчиќ Митиќ. Таа прва го почувствува потрес. „Еве го повторно“, извика таа околу 7:50 часот, а потоа се почувствувал потресот и во студиото во Загреб.
Областа околу Петриња во Хрватска и претходно денеска беше погодена од земјотрес со интензитет од 3,5 степени по Рихтеровата скала. Потресот беше регистриран во 4.20 часот утрово на два километра североисточно од Петриња.