Нов црн рекорд во Франција: Повеќе од 50.000 новозаразени, ситуацијата во болниците се влошува
Франција во претходните 24 часа регистрираше 52.010 новозаразени со коронавирусот, што е најмногу во еден ден од почетокот на пандемијата, соопшти француското Министерство за здравство.
Новиот најголем дневен биланс го надмина бројот на новозаразени кој беше потврден во сабота -45.422, пренесува Ројтерс.
Бројот на заразени со коронавирус во таа земја е зголемен на 1.138.507, а починати на 34.761, откако во претходните 24 часа се пријавени 116 нови смртни случаи од последиците на ковид-19.
Франција моментално се наоѓа на петтото место во светот по бројот на заразени со коронавирус, после САД, Индија, Бразил и Русија.
Здравствените власти во Париз предупредија дека вирусот се шири и тоа забрзано, а дека ситуацијата во француските болници е се полоша.