Дел од јавните претпријатија, агенции, фондови и слично, кои ќе се кратат или укинат се веќе познати, потврди вицепремиерот Љупчо Николовски, додавајќи дека во четиригодишниот мандат Владата постојано ќе крати и на трошоците и привилегиите, а ќе ја намалува и моќта на политичарите.

– Се работи на сите анализи и во рамки на проектите на МИОА со ЕУ за фузирање, спојување и намалување на бројот на институции. 2021 ќе биде година кога чекор по чекор ќе намалуваме или укинуваме институции што сметаме дека може да бидат споени со останати институции, агенции, фондови и слично. Од друга страна ќе ги јакнеме институциите што се витални, како што се Инспекторатите во овој период. Ќе се кратат и намалуваат, не само институции, туку и непродуктивни трошоци, но резултатите не може да бидат преку ноќ, изјави Николовски.

Вицепремиерот за спречување корупција додаде дека процесот на намалување на министерствата започнал со самото формирање на Владата, која ја оцени како мала, ефикасна и економична.