НЕВИДЕНА НЕСРЕЌА: Со „порше“ влета на втор кат од деловен објект (ФОТО) – Слободен печат
ВестиПланета

НЕВИДЕНА НЕСРЕЌА: Со „порше“ влета на втор кат од деловен објект (ФОТО)

Од силината на ударот, „поршето“ летнало кон зградата, го пробило ѕидот и завршило на вториот кат од објектот. И возачот и патникот во возилото загинале на местото на настанот, а досега не е познато со која брзина се движеле пред да се случи несреќата.

Две момчиња загинаа во тешка сообраќајна несреќа во неделата, кога возач на автомобил „порше“ изгубил контрола над возилото и завршил на втор кат од деловен објект. Несреќата се случи во градот Томс Ривер во американската сојузна држава Њу Џерси, пренесе „Вечерњи“.

Момчето на 22-годишна возраст со возилото првенствено удрило во тротоарот кој ја дели спротивната коловозна лента, а потоа автомобилот се одбил во еден насип. Од силината на ударот, „поршето“ летнало кон зградата, го пробило ѕидот и завршило на вториот кат од објектот.

И возачот и патникот во возилото загинале на местото на настанот, а досега не е познато со која брзина се движеле пред да се случи несреќата.

Градежни инспектори велат дека деловниот објект во кој автомобилот се удрил мора да се сруши, поради тешки оштетувања на конструкцијата, пишува „Метро“.

Инаку, објектот се наоѓа спроти едно основно училиште, но за време на инцидентот немало деца во близина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close