Неверојатниот Јокиќ го чека супер максимален договор
Новиот договор на Никола Јокиќ ќе биде меѓу најголемите во историјата на НБА лигата.
Новинарот на ЕСПН, Боби Маркс, тврди дека Никола Јокиќ ќе добие „супермакс“ договор доколку оваа сезона биде избран во една од најдобрите три петорки во НБА лигата.
Јокиќ игра фантастично сезонава, има просек од 25.4 поени, 11.9 скокови и 9.3 асистенции по натпревар, статистика која го вметнува во трката за МВП наградите, а тоа исто така значи и избор во една од првите петорки во НБА лигата.
A side note is that both players are super max eligible if they earn All-NBA this season.
Embiid can sign his extension in August and Jokic the following offseason (2022). https://t.co/VPmmiMnCHr
— Bobby Marks (@BobbyMarks42) January 25, 2021
Фантастичниот центар во 2018 година потпиша петгодишен договор вреден 148 милиони долари, но сега може да договор потежок за 100 милиони долари.
Супер максимален договор моментно имаат неколку играчи, а најголем договор има ѕвездата на Милвоки бакс, Јанис Адетокумпо кој за пет години ќе заработи 228 милиони долари, а доколку се исполнат сите услови, сумата ќе се зголеми на 252 милиони долари.
Освен Јокиќ, нов супер максимален договор може да очекува и центарот на Филаделфија сиксерс, Џоел Ембид.
