НЕПРИЈАТЕЛОТ НА ПУТИН ПЛАЧЕ ОД БОЛКИ: Вознемирувачки снимки од авиониот со кој патуваше Навални (ФОТО+ВИДЕО)

Патниците кои патуваа на летот од Toмск до Москва споделија снимки на кои се слушаат врисоците на Алексиј Навални.

Лекарите се борат за животот на најголемиот и најпознат руски критичар на Кремљ, бизнисменот Алексиј Навални.

Алексиј Навални / Фото: EPA-EFE/SERGEI ILNITSKY

Утринава на Навални му се слошило додека бил на лет од Томск до Москва, принудувајќи го авионот непланирано да слета во Омск. Оттаму бил пренесен со брза помош во болницата, објави портпаролката на Навални, Кира Јармиш на Твитер, наведувајќи дека тој е во критична состојба.

Жена во Русија гледа видео кое се шири на социјалните медиуми, а се гледа како Алексиј Навални е преземен од тимот на брзата помош по што беше пренесен во болница / 20 август 2020, Москва, Русија / Фото: /EPA-EFE/SERGEI CHIRIKOV

Заменикот на директорот од болницата во која се наоѓа Навални ги потврди наводите, како и дека се обидуваат да утврдат дали Навални бил отруен.

Патниците кои биле во авионот на летот од Томск до Москва тврдат дека Навални буквално ползел за време на патувањето, поради што авионот морал итно да следа во Омск.

Погледнете ги видеата:

Претходно портпаролката на Навални, Кармиш сподели твитови во кои откри дека се претпоставува како Алексеј бил отруен на аеродромот, кога пиел чај: „Тоа беше единственото нешто што пиеше наутро. Лекарите велат дека токсинот се апсорбира побрзо преку врела течност“.

Непосредно пред самиот лет, патник случајно споделил фотографија на неговиот инстаграм-профил како Алексиј Навални пие чај во аеродромскиот кафе-бар.

Портпаролката на Навални на социјалните мрежи истакна дека пред една година, кога тој бил во притвор, исто така бил отруен.

Таа исто така сподели твит од главниот уредник на телевизијата „Дожд“ во кој открива дека аеродромот „Томск“ нема да преземе ништо за да се разоткрие кој, кога и како го отрул Алексиј Навални.

Јармиш истакна дека докторите пред неколку часа потврдиле дека станува збор за труење, а сега одбивале да споделат какви било информации за јавноста. Како што пишува Јармуш, нивното молчење само потврдува дека Навални бил тенденциозно отруен.

Таа тврди дека докторите се под закани да молчат, а сподели и фотографија на која се гледа присуство на полицијата во болницата, додавајќи дека „ова е само мал дел од полицајците во одделот за интензивна нега“.

„Нема промени или нови информации за неговата здравствена состојба, нема дијагноза, ќе има „попладнево“ – е последната информација која Јармуш ја сподели за моменталната здравствена состојба на Алексиј Навални, денеска во 11:45 часот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот